ÆVINTÝRIÐ OKKAR

ARI RAFN 3 ÁRA

2009-03-24T20:17:00.002+01:00

Nývaknaður á afmælisdaginn sinn

Opnar pakkann frá mömmu og pabba

Og það var þetta flotta hjól

Tilbúinn að fara út að hjóla...

Og svo var það prufukeyrsla

Skreytir afmæliskökuna

Fullt af krökkum í afmæli

Búinn að blása á kertið

Stóri brósi

Stóra systir

Litla krúttið okkar

Ein flott í lokin

Árið 2008

2009-01-24T12:21:00.001+01:00

Jæja, er ekki best að sýna smá lit og skrifa eitthvað.
Árið 2008 var gott ár....
Ari Rafn var hjá Gitte dagmömmu allt árið og þroskaðist eftir bókinni. Hætti með bleyju 2 ára og 2 mánaða og geri aðrir betur. Talar bæði dönsku og íslensku og er ansi duglegur að skipta á milli alveg eftir því hvern hann talar við. Varð 2 ára í mars og hélt fína afmælisveislu í barnaherberginu fyrir vini sína hérna á kolleginu og ættmenni frá Roskilde. Er mikill útistrákur og lærir auðvitað mikið af eldri systkinum sínum...bæði gott og slæmt.

Birtan okkar er búin að stunda skátastarfið af miklu kappi allt árið, finnst þetta alveg ofboðslega gaman og ekki skemmir fyrir að Lærke vinkona hennar er í sömu grúppu. Slatti af túrum hafa verið farnir á árinu og hefur hún farið í þá alla. Nokkur hafa merkin bæst á skyrtuna og er sú stutta stolt af því. Sundið hefur hún líka stundað einu sinni í viku, stundum oftar og er hún orðin ansi góð að synda skvísan. Er dugleg í skólanum en mætti kannski tala aðeins minna, ha ha. (soldið lík mömmu sinni) Hún byrjaði svo í 1V í haust eftir að bekknum hennar var skipt í tvennt og sameinað öðrum bekk en það virðist ekkert hafa verið slæmt fyrir skvísuna, það eina sem skipti máli var að Rasmus og Stevan, bestustu vinir hennar fóru líka í sama bekk. Ekki spilti fyrir árinu að hún eignaðist litinn bróðir í maí, hann Óðinn Leó, og finnst henni hann auðvitað algjört krútt. Varð 7 ára í desember og bauð bekknum sínum og þremur vinkonum í veislu í barnaherberginu þar sem troðið var í sig pizzu og kökum. Fékk svo afmælisveislu nr 2 á Íslandinu þar sem mættu fjölda fólks.

Kristófer, stóri strákurinn okkar breyttist úr strák í ungling á árinu...byrjaði í 3U og gengur mjög vel í skólanum. Skátastarfið stundaði hann á fullu og hafði mamma hans nóg að gera að sauma merki á skyrtuna. Fór í alla túrana á árinu eins og systir hans. Var líka ansi duglegur í sundinu og búinn að koma heim með margar viðurkenningar. Fór í hyttetur með bekknum sínum í 3 daga og svo í haust fór hann með fritids í koloni í 5 daga. Stefnir ótrauður á að verða rithöfundur og er farinn nú þegar að láta til sín taka. Teiknar og skrifar sögur og hefur honum tekist svo vel að honum var boðið að láta nokkrar liggja á skólabókasafninu til útláns fyrir krakkana. Varð 9 ára í febrúar og fékk hann strákana í bekknum og einn vin til viðbótar í partý í barnaherberginu þar sem var troðið í sig pizzu og glápið á Scary Movie...

Af börnunum okkar á Íslandi er auðvitað allt gott að frétta. Stefán Blær varð 8 ára í júlí mánuði og er hann algjör fótboltagaur. Æfir á fullu með Selfossi og stendur sig auðvitað frábærlega. Ásrún Ýr varð 6 ára í mars og æfir fimleika með Selfossi. Byrjaði í skóla síðastliðið haust og er hæstánægð með það.
Annars erum við búin að ferðast ansi mikið árið 2008.

Í marsmánuði skellti mamman sér til Berlínar með 14 öðrum frábærum kellingum sem eru helst þekktar fyrir það að búa eða hafa búið á Öresundskolleginu. Gistu allar hjá Rut, fyrrverandi saumaklúbbsbúa og var þetta alveg geggjuð ferð í alla staði. Eitt af því helsta sem stóð uppúr þeirri ferð er ferðin á blindraveitingastaðinn þar sem sumum datt í hug að borða eftirréttinn á túttunum, ha ha ha.

Fórum líka í sumarbústað yfir páskana með Kollu, Óla og börnum og var það alveg hrikalega gaman.

Í apríl fórum við í helgarferð með vinafólki okkar til Stettin í Póllandi. Keyrðum með rútu fram og tilbaka og var þessi ferð algjör slökunarferð með áti á góðum mat og drykkju.

Í maí fórum svo feðgarnir Jói og Ari Rafn í helgarferð til Íslands þar sem þeir eyddu tíma með SB og ÁÝ og fleirum. Pabbinn náði reyndar að vera veikur næstum allan tímann en þessi ferð var nú samt þess virði.

Svo vorum við nú auðvitað í 3 vikur á Íslandi í sumar þar sem margt var brallað, sumarbústaður, útilega, hótelgisting, djamm ofl ofl. Jólum og áramótum var svo líka eytt á Íslandinu.

Svo í nóvember var komið að pabbanum að fara til Berlínar með kollegikörlunum og skemmtu þeir sér alveg kostulega.

Við fullorðnafólkið fórum á tvenna góða tónleika á árinu. Duran Duran og REM mættu til Köben og láku nokkur gleðitár á þeim tónleikum. Pabbinn söng sóló í fyrsta sinn á tónleikum og stóð sig afbragðs vel. Er búinn að vera í söngkennslu allt árið og verður auðvitað betri og betri. Nokkrar voru líka strandferðir á árinu, nokkur sommerfest og julefest. Jólatívolí var heimsótt, Bon Bon land og Bakken. Bergdís Líf frænka kom í heimsókn og var hjá okkur í 10 daga og var alveg yndislegt að hafa hana. Eftir sumarfríið byrjaði mamman svo í praktik í Specialbörnehaven De Fire Birke og klárar þá praktik í lok janúar 2009.

Eins og þið sjáið er nú búið að vera nóg að gera hjá okkur á árinu og verður 2009 ennþá meira spennandi.....
Takk fyrir í þetta sinn....
Ævintýrafararnir.

2008-12-21T11:25:00.001+01:00

Fallegasta einkadóttir mín er 7 ára í dag...

Familjen - Det snurrar i min skalle

2008-12-19T17:26:00.001+01:00

Shit hvað þetta er gott lag!!!!!

2008-12-15T19:35:00.004+01:00

Það styttist nú aldeilis í Íslandsför, aðeins 5 dagar. Erum orðin rosalega spennt að koma á klakann og hitta alla sem okkur þykir vænt um og auðvitað hina líka. Því miður náum við nú ekki að hitta Lilju og fjölskyldu því að þau fara til Florida daginn áður en við komum og koma heim daginn eftir að við förum, glatað....
Litla krúttið er lasinn, með hita og kastaði upp áðan. Alveg sama pest og skvísan var með í síðustu viku. Er því búin að vera heima í dag og á svo aðeins 2 vinnudaga eftir fram að jólafríi, jibbí.

Við fórum á litlujólin í Íslenskuskólanum síðasta laugardag og var það mjög huggó. Borðuðum allskonar góðgæti sem krakkarnir komu með, sátum og spjölluðum og sungum svo nokkur jólalög í lokin.Helga Stína kennarinn þeirra og krakkarnir.

Um kvöldið var okkur svo boðið í mat til vinafólks okkar, Eiríks og Guðfinnu og sátum við þar fram yfir miðnætti.

Sunnudagurinn fór svo í afslöppum fram eftir degi og svo var drifið sig á ÍSLENSKT jólaball á Norðurbryggju og var það hin ágætis skemmtun.

Og enn fjölgar íslenskum kollegibúuum en Unnur og Dagur eignuðust hann Blæ, 8. desember síðastliðinn en drengurinn sá átti nú ekki að koma í heiminn fyrr en seinnipart janúar en eitthvað langaði honum í jólapakka og ákvað að mæta. Þau mæðgin hafa það fínt á spítalanum og vonast auðvitað eftir að komast heim fyrir jól.

Annars er nú nóg að gera í afmælisundirbúning, B er búin að bjóða bekknum sínum heim næsta fimmtudag og 3 öðrum vinkonum þannig að ef allir mæta þá verða 26 börn og 4 fullorðnir í börnerumminu, gaman gaman.

Pabbinn alltaf að vinna og nóg að gera hjá honum svona rétt fyrir jólin. Var fyrr í kvöld að syngja einsöng á tónleikum í skólanum sínum en því miður komst ég ekki fyrir litla lasna gaurnum okkar. Stóru börnin fóru svo áðan á skátajulehygge og verða eitthvað fram eftir kveldi...

Biðjum að heilsa í bili. Ævintýrafararnir.

2008-12-07T18:24:00.003+01:00

Krúttið okkar
Já, það er bara kominn desember og allt að gerast. Búin með blaðagreinina mína sem var stóra verkefnið í praktikinni og vona ég að það sem ég skrifaði sé ok. Nógu erfitt að skrifa á dönsku og hvað þá blaðagrein, öðruvísi byggð upp en ritgerð. Það kemur allaveganna í ljós.

Nú eru bara 8 vinnudagar fram að jólafríi. 5 í þessari viku og 3 í næstu, ætlum að halda bekkjarafmælispartý fyrir B. bekk þann 18 og svo er það bara að pakka niður og hygge sig á föstudeginum 19 og svo komum við til Íslands þann 20. B ætlar svo að halda afmælisveislu á sunnudeginum en þann dag verður hún 7 ára.

Annars er búin að vera hver julehygge á eftir annarri, í skólum og fritids. Julefrokost hjá foreldrunum og eitt stk fullorðins ammæli, bara gaman að því. Já, svo er pabbinn búinn að vera í Berlín og skemmti hann sér alveg konunglega og hafði sem betur fer vit á því að koma sér tímanlega í flugið, annað en sumir ha ha ha.

Í gær fórum við svo í Jólatívolí þar sem við eyddum deginum með vinafólki okkar og Lærke, vinkonu hennar B sem við buðum með okkur.

Svo á morgun er ég að fara að sækja jólagjöfina mína, SPLÚNKUNÝTT HJÓL. Gamli garmurinn minn er orðinn ansi lélegur og fann ég loksins draumagripinn. Svart ömmuhjól, set inn mynd síðar.....

Biðjum að heilsa í bili. Knús á ykkur öll. Ævintýrafararnir.

2008-11-21T19:46:00.005+01:00

Þá er kallinn farinn til Berlínar ásamt 8 öðrum myndarkörlum og verður hann þar fram á mánudagskvöld...
Nóg að gera hjá okkur hinum. Íslenskuskóli á morgun hjá K og B. Seinni partinn ætlum við svo að fylgjast með jólalestinni sem kemur niður Amagerbrogade og ætlum við endum svo ekki á McDonalds eða einhverjum svoleiðis klassastað.

Fórum í dag með krúttið til dokksa til að taka plásturinn af og kíkja á sárið og er þetta alveg gróið, lítur mjög vel út.
Já svo er krúttið komið með leikskólapláss og byrjar þar 16.janúar. Sami leikskóli og B var í og er í sama húsi og B er á fritids, hentar ágætlega.

Fyrsti snjór vetrarins lét sjá sig í dag en hvarf jafnóðum. Drullukalt og verður ennþá kaldara á morgun....Krakkarnir og pabbinn rosa ánægð með snjóinn en ég er ekki eins hrifin..alltof sleipt að hjóla og bara vesen...

Góða helgi allir saman og farið nú varlega. Ævintýrafararnir.

2008-11-17T21:06:00.004+01:00

Langt síðan síðast.
Fór á slysó í gærkveldi með AR en hann var svo einstaklega óheppinn að renna á hausinn í sturtunni og skall með hausinn á klósettið. Fékk c.a. 12 mm gat við hliðina á hægra auga og var það límt saman eftir að 2 læknar og ein hjúkka voru búin ræða saman, voru ekki alveg viss um að það væri nóg að líma en það er heldur ekki gott fyrir 2 1/2 árs gaur að vera saumaður. .
Svo í dag var hann með dagmömmunni í leikfimi og datt þar á hausinn og fékk þennan skemmtilega blóðnasir og fékk dagmamman algjört sjokk, sá fyrir sér aðra slysóferð en sem betur fer var þetta nú ekki alvarlegt.
Einstaklega mikill gaur þessi blessaði sonur okkar..örugglega ekki síðasta slysóferðin okkar.
Stóru börnin mín fóru í gær með pabba sínum í Tívolí og skemmtu þau sér vel en þurftu fljótt að flýja inn vegna rigningu.

Annars var helgin róleg, pabbinn fór á jólahlaðborð með nokkrum úr vinnunni og stóru börnin fóru í íslenskuskólann. Annað var það nú ekki.

Jú, svo má ég nú ekki gleyma þeim stórviðburði að Ella vinkona og Guðrún kona hennar eignuðust stóran og heilbrigðan dreng þann 12. nóv síðastliðinn og er hann alveg gulllfallegur og verður eflaust skírður Auðunn í höfuðið á bestu "frænku" hans í Danmörku, ha ha.
Og svo eignuðust Sigga Þórðar og Siggi, dreng í gær að ég held og óskum við þeim auðvitað innilega til hamingju með guttann.

Og svo styttist í kallaferðina hjá pabbanum. Berlín næstu helgin og eru þeir víst að safna mottu til að vera eins þýskir í útliti og hægt er....gaman af því...

2008-11-07T20:07:00.003+01:00

Þessi gutti er nú ekki lakari en litli brósi í sínum jólafötum, vildi sko ekki fara úr þeim aftur.....

Nóg að gera á "stóru" heimili. Pabbinn vinnur mikið þessa dagana og ekki veitir af. Berlínarferð framundan hjá kallinum og svo auðvitað jólin sem kosta sitt þegar maður á 5 börn og þvælist á milli landa nokkrum sinnum á ári.

Hjá mér er nóg að gera, er nátturlega í praktik s.s. vinna fram til 1. feb og þar að auki á ég að gera udviklingsprojekt í vinnunni sem ég er í gangi með nú. Svo á ég að skrifa blaðagrein um verkefnið mitt sem á að skila 1. des. Svo er það nátturlega börnin og heimilið og verð ég að segja að fyrsta sinn á minni 3 ára háskólagöngu finn ég virkilega fyrir þreytu og pressu. Það hlaut að koma að því, aðeins 8 mánuðir eftir.
Krúttið fór í myndatöku í dag hjá dagmömmunni og var klæddur í jólafötin. Hlakka til að sjá myndirnar, vona að hann hafi brosað. Annars erum við mæðginin ein heima yfir helgina. Stóru börnin og pabbinn eru að fara í jólatúr í fyrramálið með skátunum og verða fram á sunnudag. Við AR ætlum í FIELDS á morgun að versla hitt og þetta, reyna að klára þessar blessuðu jólagjafir. Svo er aldrei að vita hvað kvöldið ber í skauti sér....Stefnum reyndar líka á að kíkja í heimsókn til Hrannar frænku, ansi langt síðan við höfum hitt hana.

Jæja, er ekki málið að opna einn jólabjór og leggjast yfir FACEBOOK...

Góða helgi. Ævintýrafararnir.

2008-10-31T21:03:00.011+01:00

Var að kaupa jólafötin á krúttið, hvernig líst ykkur á???

Ansi langt frá síðasta almennilega bloggi.
Búið að vera nóg að gera...
Roskildehyggeferð þar sem við borðuðum saman með Kollu, Óla og ungum og horfðum á box, átum osta og drukkum allskonar vökva og síðast en ekki síst spjölluðum við langt fram á nótt. Alveg nauðsynlegt inn á milli.
Svíðþjóðarverslunarferð dauðans með velvöldum konum og var þetta hreint og beint frábær ferð þar sem við stóðum í röð fyrir utan Ullared í 1 1/2 tíma eftir að hafa keyrt og siglt í tæpa 3 tíma. Já það er mikið lagt á sig fyrir að versla ódýrt. Og það var sko ódýrt. En sem betur fer tókum við húmorinn á þetta og var þetta bara hin besta skemmtun.
Svo eru bæði börnin búin að fara á halloween skemmtanir á fritidsheimilinum sínum og voru í þessum skrifuðu orðum að koma inn með fulla poka af sælgæti, ávöxtum og peningum eftir að hafa verið að ganga í íbúðir og segja; slik eller ballade.

Á morgun er svo íslenskuskólinn og svo kemur Ronja í heimsókn til okkar og verður fram á sunnudag, gaman gaman. AR er líka boðinn í afmæli til Hauks vinar síns á morgun en Haukur verður 2 ára á mánudag. Já svo á morgun verður frændi, eins og AR kallar hann, 3 ára en frændi er Logi Veigar. Knús og kram til þín elsku besti Logi Veigar.
Set hérna inn nokkrar myndir semt teknar hafa verið síðustu daga. Verði ykkur að góðu.....Fallegu börnin mín
Systkinin með Rókur að safna sælgæti ofl.
Ronja, Birta og Benjamín Arnar
Jafnaldrar
Flottur barnahópur

Góða helgi öll sömul. Ævintýrafararnir.

2008-10-29T21:10:00.002+01:00

Var klukkuð af Unni í K-inu....

1. Fjögur störf sem ég hef unnið um ævina:
Grillskálinn á Hellu; afgreiðslustarf.
Kökuval á Hellu; afgreiðsludama í bakarí.
Reykjagarður; innanúrtakari og pökkunardama.
Kjötvinnsla Nóatúns; pökkunar og afgreiðsludama.

2. Fjórar íslenskar bíómyndir sem ég held upp á:
Mýrin.

Man ekki eftir fleirum.

3. Fjórir staðir sem ég hef búið á:
Borgarsandur 2, Hella. (Æskuheimili)
Hraunbær 146, Rvk. (Fyrsta íbúðin mín)
Laufskálar 10, Hella (Fyrsta leigða heimili okkar Jóa)
Dalslandsgade 8, Kbh. (Litla leiguíbúðin okkar)

4. Fjórir staðir sem ég hef heimsótt í fríum:
Spánn 1994, útskriftaferð með FSu.
London 1998,2000,2007. Fótboltaferð, fótboltaferð og hyggeferð.
Liverpool 2004,2008. Fótboltaferðir.
Pólland 2008. Kærustuparaferð.

5. Fjórir sjónvarpsþættir sem mér líkar:
Dexter.
Desparet Housewifes.
Ugly Betty.
Prison Break.

6. Fjórar síður sem ég skoða daglega:
Facebook.com
mbl.is
audurerla@hotmail.com
Skólasíðan mín

7. Fernt matarkyns sem ég held upp á:
Nautasteikin hans Jóa míns.
Kjötsúpa.
Saltfiskur.
Lambalærið hennar mömmu.

8. Fjórar bækur/blöð sem ég held upp á/les oft:
Børnehavebarnet.
Arnaldar bækur.
Hef annars ekki tíma til að lesa annað en skólabækur.

9. Fjórir staðir sem ég vildi vera á núna:
Á Hellu í ömmuhúsi með öll börnin okkar.
Í kærustuparaferð einhvers staðar annarsstaðar en í DK.
Á sólarströnd með fjölskyldunni.
Í mömmu og pabbahúsi með systkinum mínum og börnum þeirra.

10. Fjórir bloggarar sem ég á að klukka:
Heiða á annarri.
Hafdís í Sönderborg.
Helga Dögg í Norge.
Hafdís frænka á Bifröst.

Og hana nú, sagði hænan og lagðist á bakið......

2008-10-14T20:58:00.004+02:00

Oftar en ekki hefur verið sagt við mig að AR væri alveg rosalega líkur mér en hingað til hef ég nú bara ekki séð það fyrr en ég sá þessa mynd. Vá, mikið er skrítið að sjá einhvern líkjast manni sjálfum, spúkí. Hvað finnst ykkur???

Stóri yndislegi strákurinn minn er farinn í 5 daga ferð í Koloni með fritidsheimilinu sínu. Var megaspenntur þegar ég og systir hans veifuðum af okkur hendurnar þegar rútan keyrði burt og hann sat fremstur uppi á annarri hæð, getur það bara verið betra?

Krúttið kominn í fínu Íþróttaálfa fötin sín. Var reyndar ekkert sérstaklega hress þegar ég tók myndina en er einstaklega ánægður með fötin.

Við mæðgurnar tókum okkur frí í gær og fórum í FIELDS að versla sparigelluskó á dömuna. Fyrir valinu urðu þessi stórglæsilegu leðurstigvel með hæl þannig að skvísan var nú bara eins og unglingur þegar hún tikk takkaði um allt FIELDS. Reyndi nú að halda aftur að mér vegna þess að ég og nokkrar vel valdar dömur ætlum að skreppa í Ullared í Svíþjóð á laugardaginn og versla af okkur rassgatið. Ullared er klikkað stórt vöruhús með klikkað ódýrum vörum, fötum og ég held bara að það fáist allt þarna. Jeg glæder mig.........

Svo finnst mér þið mættuð nú alveg vera aðeins duglegri í að kvitta.

Farvel. Ævintýrafararnir.

Skóli v/s vinna

2008-10-08T21:42:00.004+02:00

Mikið ofboðslega er ég ekki að nenna að vera að vinna svona alla daga. Nú sé ég hvað það er gott að vera í skóla. Dagurinn er bara búinn þegar maður kemur heim, börnin gleypa mann og keppast um að fá athygli á meðan ég reyni að ná smá spjalli við pabbann á heimilinu. Svo er það kvöldmatur, gera nesti og koma liðinu í háttinn og loksins þegar allir eru komnir í ró þá nær maður kannski eins og einum þætti í tv áður en maður dettur útaf og svo er það nýr dagur og sama sagan. Og svo ofan á þetta allt saman á ég að lesa fullt af allskonar bókum og bæklingum og læra og læra.

Já, annars eru allir bara hressir en reyndar er krúttið búinn að vera heima í tvo daga, kvefaður og PIRRAÐUR. Það reddaði reyndar mörgu þegar Íþróttaálfapeysan og sokkabuxurnar komu með póstinum frá Landinu "góða".
En drengurinn er fótboltaóður þessa dagana, svona fyrir utan Latabæjardæmið. Hann vill bara vera úti endalaust og spila bolta eins og hann segir og svo auðvitað er hann Lillapúl. Þótt ég sé mamma hans og frekar hlutdræg þá er hann alveg drullugóður svona af 2 og 1/2 árs gutta að vera.

Stóru börnin eru alsæl eftir skátaferð síðustu helgar og svo er K. að fara í Koloni með fritidsheimilinu sínu frá mán-fös og er frekar spenntur. Búinn að bíða í heilt ár. Það er nefnilega haustfrí í skólunum í næstu viku þannig að B. verður eitthvað á fritids og svo bara hérna heima hjá pabbanum. Ég er reyndar búin að biðja um frí á mánudaginn svo ég geti fylgt K. í rútuna og dúllað mér svo eitthvað með B. kannski skellt okkur í bíó, hver veit.

Annars er sko nóg að gera hjá yngsta meðlim fjölskyldunnar um helgina. Honum er boðið í 3 ára afmæli Lofts á lau og 1 árs afmæli Máneyjar Mistar á sunnudag og ég mamman "neyðist" til að fylgja barninu í þessar veislur. Já og svo verðum við með einn 1 árs í heimsókn á lau. Hann Eysteinn Ernir nágranni okkar og vinur ætlar að eyða með okkur deginum á meðan mamma hans sankar að sér vitneskju.

Jæja, best að fara að sofa. LAAAAANNNGGGUUUURRR dagur á morgun, vinna og svo starfsmannafundur til kl. 21. Missi meiri að segja af saumó, skandalll.

Góða nótt. Ævintýrafararnir.

Minn maður

2008-10-05T15:08:00.000+02:00

Fréttabréf fjölskyldunnar

2008-10-01T20:07:00.006+02:00

Það er nú meira skítaveðrið hérna í Köben þessa dagana og ekki er nú spáin skemmtileg. Spáð fyrsta "stormi" haustsins núna um helgina og ekki er það nú heppilegt fyrir skátabörnin okkar sem eru að fara í skátaferð frá fös-sun.

Annars er alltaf nóg að gera hjá okkur hérna á L806. Pabbinn syngur, vinnur, safnar skeggi og ég veit ekki hvað og hvað. Er stanslaust á djamminu þessa dagana og stefnir núna á Berlínarstrákaferð í nóvember, já þeir geta ekki verið minni en við kellingarnar.
En talandi um okkur kellingarnar þá tóku við ansi vel á því síðustu helgi á baðhúsadjamminu okkar, púha, mismunandi líftíminn á okkur en mikið ansi var þetta skemmtilegt. Við erum svo líka á leið til Berlínar en ekki fyrr en í mars, gaman gaman.
Stóri strákurinn okkar verður meiri og meiri gelgja með hverjum deginum, allt ömurlegt sem við segjum,leyfum honum aldrei neitt, fílapenslar á nefi og systkini hans ekkert sérstaklega skemmtileg. Kom ansi stoltur heim af skátafundi síðasta mánudag með 1 árs merkið sem segir að hann hafi verið í skátunum í eitt ár.
Prinsessan á heimilinu er nú ekkert sérstaklega mikil prinsessa. Ansi dugleg að stríða bræðrum sínum en er líka mjög mikil mamma í sér. Alltaf að passa upp á krúttið, stundum of mikið. Er dugleg í skólanum og ánægð með lífið yfir höfuð.
Krúttið er íþróttaálfurinn þessa dagana, alltaf að gera æfingar, hoppar og skoppar og er yfir sig ánægður með "íþróttaálfastrigaskóna" sem mamma hans keypti í Inter Sport í gær. Bíður spenntur eftir sendingu frá Lilju frænku en sú sending inniheldur íþróttaálfapeysu og sokkabuxur. Er farinn að tala nánast reiprennandi og þá mest íslensku og erum við frekar hissa á því. En við vitum nátturlega ekki hve mikið hann talar hjá dagmömmunni, allaveganna skilur hann dönskuna og svarar á dönsku þegar hann er spurður á því máli. Og svo er bara bleyja á næturnar og er foreldrarnir hæstánægðir með það. Er mikill boltastrákur og segir sko að lillapúl er sko besta liðið. Gáfaður drengur hér á ferð, ha ha.

Mamman á heimilinu vinnur og vinnur og lærir margt í leiðinni. Og svo eins og kemur fram hérna á undan þá djammar hún nú líka inná milli.
Já, þá er hér með fréttabréfi fjölskyldunnar lokið.
Áfram Liverpool. Ævintýrafararnir.

2008-09-30T20:10:00.002+02:00

Hún Fjóla, elskulega mamma mín á afmæli í dag og er hún 51 árs sem er enginn aldur.

Enn og aftur til hamingju með daginn elsku besta mamma, amma og tengdó.

Knús og kram. Ævintýrafararnir.

2008-09-29T18:35:00.000+02:00

Kollegikellingarnar á leið á baðhúsadjammið

2008-09-26T20:10:00.002+02:00

Flottu kollegistrákarnir á leiðinni á djammið.

Afmæliskökugúff

2008-09-24T22:55:00.000+02:00

Stal þessari snilldar mynd af síðunni hennar Lífar.

2008-09-23T21:09:00.004+02:00

Púha hvað ég er þreytt. Er farin að hjóla í vinnuna og eru þetta 9 km aðra leiðina og ég hjóla sko ekkert rólega, það er sko gefið í. Þetta er samt ótrúlega hressandi og verður nátturlega léttara með hverjum deginum.

Var í vinnunni í gær frá 8.30 til 20, langur vinnudagur. Vorum með stofufund (bein þýðing) þar sem við á minni deild planlögðum veturinn, s.s hvað á að gera með börnunum t.d. rytmik og sanglege. Borðuðum saman og höfðum það kósí.

Í dag fórum ég og AR í 3 ára afmælisveislu hjá henni Líf en hún býr hérna á kolleginu ásamt mömmu sinni, pabba og bumbubrósa. Fengum dýrindis kræsingar og komum svo heim til B, K, og pabbans sem sátu og borðuðu fiskibollur, ha ha ha.

Svo á morgun er vinna, starfsmannafundur og svo beint á foreldrafund hjá K. bekk. Hjóli hjóli hjóli fram og tilbaka, jeiiiii.

Farin að sofa. Bæ. Ævintýrafararnir.

2008-09-21T20:05:00.003+02:00

Þá er yngsta barnið byrjað í gymnastik (leikfimi) á fimmtudögum hérna á Kolleginu og er hæstánægður með það. Getur hoppað og skoppað eins og íþróttaálfurinn.
Svo var K. hjá tannréttingalækni sem sagði að við ættum að bíða eitt ár í viðbót, þetta liti svo vel út og vorum við ansi ánægð með þær fréttir.

Annars var helgin róleg og innihélt meðal annars:
Íslenskuskóla hjá stóru börnunum.
Build a Bear ferð hjá mýslunni.
Yu-Gi-Oh kortakaup stóra drengsins.
Jakkakaup mömmunnar.
Legeplads.
Vinnufélagadjamm hjá pabbanum.
Buxnakaup handa mýslunni.
MGP 2008(eurovision barna)gláp.

Það eru 94 dagar til jóla.
Bæ bæ. Ævintýrafararnir.

2008-09-18T20:21:00.000+02:00

Er maður krútt eða hvað????

2008-09-14T21:45:00.008+02:00

Jæja þá er enn ein helgin liðin og maður fær engu að ráða.

Síðasta vika leið hratt og örugglega. Við mæðgurnar lágum veikar heima mán og þri en erum orðnar sprækar á ný.

Höfðum Aniku Rut vinkonu B. og nágranna okkar í heimsókn og gistingu á föstudag. Pabbinn á heimilinu fór í bíó ásamt slatta af kollegipöbbum og svo var nú eitthvað kíkt út á lífið á eftir.

Á laugardagsmorgninum hjóluðum við; ég , K og B niður í Jónshús þar sem börnin eyddu 2 1/2 tíma í Íslenskuskólanum á meðan ég kíkti í búðir.
Strax eftir skólann brunuðum við svo til Roskilde til að leysa Kollu og Óla af hólmi en þau fóru til Köben að horfa á Liv-Man.U. og svo eitthvað út á lífið og gistu svo heima hjá okkur, s.s. slétt skipti, djamm og huggó v.s. 4 börn............ha ha. Fjóla og Gummi, vinir okkar hérna á Kolleginu voru svo yndisleg að lána okkur bílinn sinn svo við sluppum við bus-tog-bus ferð dauðans, ekkert smá mikill munur. En já, pössunin gékk rosa vel enda yndisleg börn þarna öllsömul.
Komum svo heim um 3 leytið í dag og höfðum það bara huggulegt úti í góða veðrinu.

Ég tók fullt af myndum af krökkunum en kortið í myndavélinni missti vitið þegar ég var að setja þær inn þannig að þær hurfu, glatað. Set hérna tvær inn í staðinn af AR og EE sem Eyrún tók síðustu helgi þegar AR gisti hjá þeim, algjör krútt.

Jæja, bið ykkur vel að lifa. Ævintýrafararnir.

2008-09-07T13:47:00.004+02:00

Já, góðir voru þeir og þegar þeir tóku lagið "Loosing my Religion" þá varð allt vitlaust. Erum semsagt hæstánægð með gærkveldið.
Þetta var reyndar soldið drama því K. var með háan hita í gærmorgun og svo var B. komin með hita þegar við vorum að fara út en sem betur fer eigum við góða að sem pössuðu vel uppá börnin okkar og erum við þeim afar þakklát, hefði verið frekar svekkjandi að þurfa að hætta við.

Svo í morgun fóru feðgarnir með pabbaklúbbnum til Ballerup að skoða bóndabæ með öllu tilheyrandi en ég sit hérna heima og hjúkra sjúklingunum mínum.

Jæja, eigið góðan dag. Knus og kram. Ævintýrafararnir.

2008-09-05T20:17:00.003+02:00

Mýslan mín fallega......

Núna sitjum við mæðgurnar og huggum okkur yfir Vild med dans á meðan bræðurnir sitja í sitthvoru herberginu og glápa á tv, sá stutti alveg heillaður yfir Emil í Kattholti og hinn lasinn að glápa á einhvern unglingaþátt. Pabbinn í vinnunni að þéna extra pening fyrir helgina, við erum jú á leiðinni á djammið við kærustuparið.

Það er komið að því, REM. Börnunum komið fyrir á þremur stöðum, K. hjá Rókur, færeyskum vini sínum, B. hjá Aniku Rut, vinkonu sinni og AR hjá Eysteini, vini sínum. Við ætlum að skella okkur út að borða og kannski hella í okkur nokkrum kokteilum fyrir tónleika, shitt hvað ég er spennt.

Byrjum morgundaginn á skólasetningu Íslenskuskólans en unglingurinn sleppur víst þar sem hann er með bullandi hita, komst ekki í fyrsta sundtímann sinn í dag, buhu. Vonum nú að hann verði skárri annað kvöld.

Góða helgi allir saman og skál. Ævintýrafararnir.

REM

2008-08-31T21:46:00.003+02:00

Á laugardaginn erum við kærustuparið að fara í PARKEN til að hlusta á þessa kappa.
Margra ára draumur minn að rætast.........ójá það er gaman að lifa.

Stuðkveðjur frá okkur í Köben. Ævintýrafararnir.

Ísland er einfaldlega besta land í heimi, ikke???

2008-08-27T21:26:00.003+02:00

Vá, ég var að horfa á um 30.000 íslendinga taka á móti handboltalandsliðinu okkar, shit hvað ég var stolt af því að vera Íslendingur. Hlítur að vera geðveikt að vera landsliðsmaður og fá svona móttökur. Og jakkafötin sem Páll Óskar var í, algjör snilld.

Annars er ég núna í skólanum í 3 daga þar sem við hlustun á fyrirlestra og hittum umsjónarkennarann okkar og förum yfir hvernig gengur í praktíkinni. Og smá mont frá mér, var að fá einkunn fyrir Bevægelsesritgerðina mína sem ég skrifaði ein og skilaði fyrir sumarfrí, fékk 10 og er ógeðslega ánægð með það. Kennarinn bað þar að auki um að fá að halda ritgerðinni til að sýna framtíðar nemendum hvernig á að gera þetta, ójá kella, ekkert mál, ha ha. Verði þeim að góða að lesa íslensku/dönskuna mína.

Krakkarnir byrjaðir á fullu í skátunum og var B. að baka bollur fyrr í dag með félögum sínum. K. var að æfa sig að saga og fær bráðum 1 árs merkið sitt, svaka spenntur.

Svo var K. í dýragarðinum í dag með bekknum sínum í hellirigningu en það skemmdi ekki fyrir, honum fannst alveg rosa gaman enda vel gallaður í gúmmískóm, íslendingurinn klikkar ekki á því.

Grillcafé á föstudagskvöld á fritidsheimilinu hans K. þar sem við tökum kjöt með okkur og grillum og þeir bjóða upp á meðlæti. Svo auðvitað er selt öl og gos á staðnum.

Já, svo fjölgar enn saumklúbbsafkvæmum. Kolbrún og Maggi í K-inu voru að eignast hana Kötlu Guðnýju fyrir 3 dögum og gekk allt eins og í sögu. 3 börn fædd á þessu ári og eitt á leiðinni í janúar, gaman að þessu.

Stefnum á tívolíferð um helgina og verður Bakken fyrir valinu. Spáin um helgina er geðveik, 23-24 stiga hiti og sól. Dejligt.

Farvel. Ævintýrafararnir.

Og silfrið var það....

2008-08-24T11:49:00.001+02:00

Innilega til hamingju með silfrið Íslendingar

FLOTTASTA STUÐNINGSLIÐ ÍSLENDINGA

2008-08-21T22:30:00.003+02:00

Vá hvað vikan er fljót að líða. Rétt að koma helgi sem er þokkalega velkomin.
Búið að vera nóg að gera síðustu daga. Starfsmannafundur sem endaði með grilli, öli og megatertum. Í gær fór ég á foreldrafund hjá 1.V sem er B. bekkur. Eins og ég hef áður sagt var hún að byrja í nýjum bekk og líst mér mjög vel á þennan foreldrahóp. Þekki auðvitað eitthvað af þeim þar sem helmingur gamla bekksins fylgdi B. en kennurunum hef ég ekki kynnst áður og líst mér mjög vel á. B. segist fíla þennan bekk betur en gamla bekkinn sem er bara gott.

Helgin fer í rólegheit. Erum að spá í dýragarðsferð því það er ansi langt síðan við höfum farið þangað og er spáin bara ansi hliðholl okkur, gaman gaman.

Já, svo á morgun er ég að fara í sund með eitt af börnunum okkar á stofunni, hana Josefine. Hún er blind, er með krónískan hósta, ræður ekki hreyfingum sínum og getur ekki tjáð sig nema með að hreyfa aðra hendina. Algjör gullmoli þessi stelpa sem er 6 ára en er svipuð á lengd og AR. Spennandi verkefni framundan en ég verð að viðurkenna að ég er með nokkur fiðrildi í maganum, ekki alveg vön svona löguðu ennnnn.....kemur í ljós hvernig gengur.

Þangað til næst..Ævintýrafararnir.

2008-08-20T22:01:00.000+02:00

Þú veist að það er 2008 ef.....

1. Þú ferð í party og byrjar á því að taka myndir fyrir bloggið þitt.

2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er af því
þeir eru ekki að blogga, ekki á MySpace og eða á Facebook .

4. Þú leitar frekar um alla íbúð af fjarstýringunni í stað þess að ýta bara á takkann á sjónvarpinu.

6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.

8. Þú hugsar um hvað það er mikil vitleysa að lesa þennan lista.

9. Þú ert of upptekin/nn að taka eftir númer fimm.

10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.

Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú félst fyrir þessu... Aha ekkert svona fyrst að þú féllst fyrir þessu.

Sendu þetta á vini þina, á bloggið þitt eða komdu þessu á framfæri einhverstaðar innan 2 mínútna og 14 sek eða minna og morgundagurinn þinn verður besti dagur sem þú hefur upplifað .. hingað til!

En, ef þú bíður of lengi,mun það ekki skipta neina því hverjum er ekki sama svona lista ... En
vinir þínar munu missa af frábæri skemmtun

2008-08-18T19:49:00.009+02:00

Það er búið að vera nóg að gera hjá okkur síðustu daga og vikur.
Ég er byrjuð í praktik sem þýðir að ég er að vinna á leikskóla fyrir fjölfötluð börn og verð þar í sex mánuði. Ansi erfið en spennandi vinna þar sem ég er að passa mjög fötluð börn, ansi góð áminning á hvað maður er nú heppinn að eiga "normal" og "heilbrigð" börn.

K. byrjaður í 3. bekk og er kominn á fullt í heimalærdóm og er farinn að læra ensku, þokkalega ánægður með það. Skátastarfið byrjaði líka í dag og svo byrjar sundið í byrjun september.

B. er byrjuð í 1. bekk og er ótrúlega stolt af því. Kom heim með bros út að eyrum í dag, ástæðan var sú að hún átti að læra heima, vá hvað hún var stolt, ha ha, veit ekki hverju hún á von á í framtíðinni. Svo eru það skátarnir og sundið, nóg að gera.

Fyrsti skóladagurinn, mýslan og Rasmus, besti vinur hennar.

Til að bæta aðeins á fara þau í Íslenskuskólann á laugardögum niður í Jónshús og er það nú til að undirbúa þau fyrir skólann á Íslandi á næsta ári.

Dugnaðarstrákurinn okkar.

AR talar orðið alveg fullt, bæði íslensku og dönsku og er hættur með bleyju. Aðeins á næturnar og þegar á að gera nr.2.
Svo er nátturlega allt fínt að frétta af pabbanum. Alltaf að vinna og fer svo að byrja í söngnum í byrjun sep. Kallinn ætlar svo að skella sér í meiraprófið í haust til að vera við öllu búinn þegar mætt er á klakann næsta sumar.

Annars áttum við ansi góða helgi. Mýslan fór til Roskilde í stelpupartý og eyddi þar helginni. Ég, Elín og Fjóla hjálpuðum Söndru og Orra að mála kjallarann á húsinu þeirra. Inná milli drukkum við öl, horfðum á eitt stk handboltaleik og svo um kvöldið skelltum við okkur niður í bæ þar sem við renndum niður nokkrum kokteilum og skelltum okkur á hommabar þar sem við tjúttuðum. Feðgarnir höfðu það gott hérna heima í DVD glápi og nammiáti.

Svo fór sunnudagurinn í góðan göngutúr þar sem við gáfum fuglunum á Christianshavn smá brauðbita og fengum okkur ís á eftir í blíðskaparveðri.

Það styttist nú líka í að börnin okkar á Íslandi fari að byrja í skólanum og Ásrún Ýr sko að byrja í 1. bekk, spennó.
Jæja, ætla að skella inn nokkrum myndum.
Hej hej. Ævintýrafararnir.

2008-08-04T19:20:00.017+02:00

Börnin mín og börnin þín eru að berja barnið okkar.......eða réttara sagt: barnið okkar er að berja börnin mín og börnin þín.

Þetta lýsir sumarfríinu okkar ansi vel.. nei spaug, annars var nú ekki mikið um barsmíðar, frekar huggulegheit.

1 vika í sumarbústað á Apavatni í frábæru veðri þar sem við veiddum, sigldum, kíktum á Gullfoss og Geysi, fórum í sund á Borg í Grímsnesi,héldum upp á 8 ára afmæli SB, hengum í heita pottinum, fengum góðar heimsóknir og lékum okkur.

BORGARSANDSBARNABÖRNIN

Margt brallað á 24 dögum

1 helgi í útilegu við bæinn Galtalæk með frábæru fólki.
Bíóferð til Reykjavíkur þar sem við stelpurnar fórum á KungFu Panda og barnsfeður mínir fóru með strákana á HULK.
Jarðaför.
Matarboð í sveitina til Dagrúnar og co.
Nokkrar ferðir á KFC, nammi namm.
Matarboð upp á Flúðum í hjólhýsi með tengdafjölskyldunni.
Sundferð á Laugaland.
Matarboð til litlu systir og fjölskyldu.
Margar sundferðir í Hellulaug.
Huggulegt kvöld með Siggu vinkonu þar sem runnu niður nokkrir kaldir í nýja notalega kotinu hennar.
StokksEyrarbakkaferð með Jónu Siggu og fjölsk, þar sem við veiddum lifandi krabba, lékum okkur og enduðum góðan dag á Hótel Hlíð í grilli, heitum potti og huggulegheitum.
Rosalega margar ísferðir.......
Semsagt áttum við yndislegt frí með börnunum okkar fimm og hlökkum við nú bara til jólanna, þá verðum við aftur öll saman og hittum vonandi sem flesta á Íslandinu.
B og K urðu eftir hjá pabba sínum og koma í nótt, helv.... seinkun alltaf hjá Express. Áttu að koma í kvöld en eiga að lenda kl. 3.

Ok, nóg í bili. Ævintýrafararnir.

2008-07-27T20:33:00.002+02:00

Svona er lífið í Köben þessa dagana...

Já, við erum komin heim eftir skemmtilega Íslandsferð þar sem við brölluðum margt og skemmtum okkur vel með börnunum okkar fimm, vinum og fjölskyldum. Ferðasaga og myndir koma síðar.....

2008-06-29T20:42:00.015+02:00

Takk fyrir afmæliskveðjurnar.

Jæja, þá erum við búin að fara í Bon Bonland. Frábær staður fyrir alla aldurshópa. Ari Rafn og Sindri Rafn gátu farið í fjölmörg tæki en það er nefnilega ekki svo algengt í hinum skemmtigörðunum. Svo voru stóru börnin auðvitað á fullu allan tímann og prófuðu öll stærstu og hrikalegustu tækin. Ekki voru við fullorðnu síðri, prófuðum auðvitað rúsibanana og féllum gjörsamlega fyrir vatnsrennitækinu, ég þurfti að draga Jóa, Ingva og Ragnheiði frá því, annars værum við þar ennþá, ha ha gaman af því.
Nokkar myndir frá deginum......

Pabbinn og B. á fljúgandi ferð, 2 sek seinna var pabbinn búinn að missa derhúfuna

AR fannst þetta bara ekkert skemmtilegt

Sigli sigl

K. í stuði

Pabbinn flottur

Nestispása númer 2.

Svo er það bara Íslandið á morgun og allir megaspenntir. Næst verður sko bloggað frá landinu góða.
Við verðum eins og vanalega hjá Erlu ömmu í Nestúninu á Hellunni góðu. Það er akkurat að byrja Landsmót hestamanna á Hellunni þannig að það verður margt um manninn og örugglega stuð á liðinu. Við byrjum á því að sækja krúttin okkar á Selfoss en þau ætla að vera hjá okkur í rúmar 3 vikur þetta sumarið, sem er alveg frábært. 4-11 júlí ætlum við að hafa það kósí í sumarbústað á Apavatni og eru allir velkomnir í heimsókn. Annars verðum við bara á heimaslóðum og jafnvel kíkt í útilegu ef veður leyfir. Sami sími og venjulega: 861-6116.
Jæja, leikurinn er byrjaður, áfram Liverpool menn í Spánarliðinu.
Knus og kram. Ævintýrafararnir.

Þessi stelpa á afmæli í dag, aðeins 34 ára.....

2008-06-27T08:47:00.002+02:00

2008-06-25T21:34:00.002+02:00

Í dag á hún elsku besta Erla amma mín afmæli og er hún aðeins 78 ára, enginn aldur á á kellu.
Arnaldur Goði, vinur hennar B. er líka afmælisbarn dagsins, 6 ára gamall og að byrja í skóla í haust. B. var einmitt í afmælisveislu hjá honum í dag en hann er þessa stundina staddur hjá pabba sínum hérna í Köben. Það var líka svona gaman í afmælinu að skvísan fékk að gista og ætlar pabbinn að fylgja henni í skólann í fyrramálið.
Ragnheiður, Eyjósystir, Kollegibúi og saumómeðlimur á líka afmæli í dag, 28 ára unglamb.
Fjórða afmælisbarn dagsins er Védís, fyrrverandi Kollegibúi og núverandi saumómeðlimur. Védís er á besta aldri, 31 árs.
Innilega til hamingju með daginn öllsömul.
Já, það er sko nóg að gera hér á bæ. Bergdís Líf í heimsókn og er manni þvælt í búðir fram og tilbaka, nei djók. Mamman á bænum í ritgerðarskrifum en vonast til að klára á morgun og koma ritgerðinni í póst til kennarans í síðasta lagi á föstudagsmorgun en þá er hún komin í sumarfrí, jeiii. Og hún á líka afmæli á föstudag, aðeins 23 ára. Ætlum þá út að borða í hádeginu því pabbinn ætlar að vinna um kvöldið fyrir BonBonland ferðinni sem við ætlum í á laugardag ásamt Ragnheiði, Ingva, Sindra Rafni og Lovísu. Krakkarnir búnir að bíða eftir þessari ferð í ár og aldir. Fyrir þá sem ekki vita hvað BonBonland er þá er þetta skemmtigarður hérna fyrir utan Köben.
Svo er það bara pökkunarsunnudagur og á mánudag mætum við á klakann, jeiiiiii.
Ég verð svona í lokin að minnast aftur á Duran Duran tónleikana, það var svo gaman að ég hef bara ekki vitað annað eins. Þeir byrjuðu á slaginu átta og spiluðu í rúma tvo tíma án pásu. Öll gömlu góðu lögin og ný inn á milli sem eru nú bara alveg ágæt. Ég táraðist margoft, fékk gæsahúð og við unnustinn sungum og tjúttuðum eins og brjálæðingar. Hefði aldrei búist við þeim svona góðum og ennþá svo sætum, ha ha. Fyndið að sjá svona margt fólk á sama aldri og við samankomið og það besta var að það voru engir unglingabjánar þarna, aðeins þroskað fólk og eins og við á besta aldri, ha ha.
Jæja, seinni hálfleikur er byrjaður. Verð að hætta.
Bæjó. Ævintýrafararnir.

Myndir fyrir ykkur

2008-06-23T16:43:00.012+02:00

Á skátasommerfest

Það er sko Íslenskt, já takk

AÐ fíla sig í namminu

Ronja í Roskilde

Bestu vinirnir, AR og Kristjana Elín

Liðið í stuði að fara að sofa, SEINT!!!!

Benjamín Arnar krútt

Afmæliskakan flotta

K. í leikritinu á Fritidssommerfestinu

Bergdís Líf og B. að baka snowbrød

DURAN DURAN

2008-06-22T22:58:00.003+02:00

SHITT, ég svíf á bleiku skýi, þeir voru geggjaðir.
Fékk annarsslagið tár í augun, gæsahúð og flashback.

2008-06-21T12:38:00.002+02:00

Vorum að koma heim frá Roskilde þar sem við höfðum gaman með Kollu, Óla og ormum.

Næst á dagskrá er sommerfest á fritidsheimili K. þar sem hann elsku drengurinn minn er að leika í leikriti, er ótrúlega spennt að sjá hann. Er búinn að vera að æfa síðan um áramót.
Erum svo að spá í að kíkja niður á strönd á Íslendinga 17. júní hátíð sem var aflýst vegna veðurs(núna er 20 stiga hiti og ekki regndropi nálægt) en einhverjum datt nú bara í hug að senda út sms og safna liði saman og hafa gaman.

Við sjáum til hvernig fer.
Heyrumst. Ævintýrafararnir.

2008-06-17T14:38:00.003+02:00

Erum komin með íslenskt heimasímanúmer sem er 496-0689
Það kostar það sama að hringja í það eins og að hringja í íslenska heimasíma, sniðugt, ikke???

Svo hringja í okkur, núna!!!!

Ævintýrafararnir.

2008-06-16T21:39:00.002+02:00

Já hún systir mín skal sko ekkert segja að ég sé sú síðasta manneskja sem svarar þessu, ónei Lilja mín, hafðu þetta!!!

1. ERTU SKÝRÐ/UR Í HÖFUÐIÐ Á EINHVERJUM? já, Auði ömmu minni og Erlu ömmu minni...

2. HVENÆR FÓRSTU SÍÐAST AÐ GRÁTA? örugglega yfir einhverri vælu í tv...

3. FINNST ÞÉR ÞÚ SKRIFA VEL? svona allt í lagi

4. HVAÐA KJÖT ER Í UPPÁHALDI HJÁ ÞÉR? naut

5. ÁTTU BÖRN ? EF JÁ HVAÐ MÖRG? 3 + 2

6. EF ÞÚ VÆRIR EINHVER ANNAR EN ÞÚ ERT, VÆRIR ÞÚ VINUR ÞINN? veit ekki

7. NOTAR ÞÚ KALDHÆÐNI MIKIÐ? já

8. FÆRIR ÞÚ Í TEYGJUSTÖKK? ónei

9. HVAÐA MORGUNMATUR ER Í UPPÁHALDI HJÁ ÞÉR? heimamorgunmatur er gult cheerios og skólamorgunmatur er brauðbolla og kaffibolli

10. REIMAR ÞÚ FRÁ ÞEGAR ÞÚ FERÐ ÚR SKÓNUM? nei

11. TELUR ÞÚ ÞIG ANDLEGA STERKA/N? já og nei

12. HVERNIG ÍS ER Í UPPÁHALDI HJÁ ÞÉR? kjörís í brauði með dýfu í Olís

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS? misjafnt

14. Rauður eða bleikur varalitur? bleikur

15. HVAÐ MISLÍKAR ÞÉR VIÐ SJÁLFAN ÞIG? væri til í að vera hærri og mjórri

16. HVAÐA MANNESKJU SAKNAR ÞÚ MEST? Erlu ömmu

17. VILTU AÐ ALLIR SEM LESA ÞETTA SVARI ÞESSUM LISTA? auðvitað

18. HVAÐA LIT AF BUXUM OG SKÓM ERU Í NÚNA? ha ha, svörtum nærbuxum....

19. HVAÐ VAR ÞAÐ SÍÐASTA SEM ÞÚ BORÐAÐIR? jarðaber

20. Á HVAÐ ERTU AÐ HLUSTA NÚNA? EM, Ballack var að skora fyrir Þýskaland

21. EF ÞÚ VÆRIR LITUR HVAÐA LITUR VÆRIR ÞÚ? brúnn

22. HVAÐA LYKT FINNST ÞÉR BEST? eplasjampóið hand Ara Rafns og ilmvatnið hans Jóa

23. VIÐ HVERN TALAÐIR ÞÚ SÍÐAST VIÐ Í SÍMA? Jóa

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR? hún sendi mér þær ekki, ég kopíaði þær af heimasíðunni hennar Lilju systir en já, elska hana út af lífinu

25. UPPÁHALDS ÍÞRÓTT SEM ÞÚ HORFIR Á? fótbolti

26. HVERNIG ER ÞINN HÁRALITUR? gangstéttaskítagrár

27. HVERNIG ER ÞINN AUGNLITUR? grænn

28. NOTAR ÞÚ LINSUR? já

29. UPPÁHALDS MATUR? kjötsúpa

30. HRYLLINGSMYND EÐA GÓÐUR ENDIR? hryllingsmynd

31. SÍÐASTA BÍÓMYND SEM ÞÚ SÁST Í BÍÓ? Tempelridderners skat 2 (ævintýrakrakkamynd)

32. KNÚS OG KOSSAR EÐA LENGRA Á FYRSTA DEITI? knús og kossar

33. UPPÁHALDS EFTIRRÉTTUR? ís, jarðaber og súkkulaðisósa

34. HVER ER LÍKLEGASTUR TIL ÞESS AÐ SVARA ÞESSUM LISTA? pass

35. HVER ER ÓLÍKLEGASTUR TIL ÞESS AÐ SVARA ÞESSU? pass

36. HVAÐA BÓK ERTU AÐ LESA? Udviklingsplan for De fire birke

37. HVAÐA MYND ER Á MÚSAMOTTUNNI ÞINNI? engin músamotta

38. Á HVAÐ HORFÐIR ÞÚ Í SJÓNVARPINU Í GÆR? fótbolta, sá Tyrki taka Tékka í r........

39. ROLLING STONE EÐA BITLARNIR? hvorugt

40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI? Spánn

41. HVERJIR ERU ÞÍNIR HELSTU EIGINLEIKAR? tel mig vera ansi þolinmóða

42. HVAR FÆDDIST ÞÚ? á fæðingardeild Landspítalans, held ég

Sko Lilja, þetta gat ég og þetta var bara ansi gaman.....

Meira á morgun.

Ja, ekki er það spennandi....

2008-06-10T11:17:00.000+02:00

Síðustu dagar hjá okkur

2008-06-09T11:14:00.010+02:00

Birtan í sólinni

Loftur Þór og Ari Rafn að prakkarast úti í garði

Grímur krútt

Sindri Rafn

Karíus og Baktus

Ótrúlega kúl gellur

Christian afmælisbarn og kærastan

Gott að knúsa frænda

Benjamín Arnar

Sætir frændur

2008-06-05T22:54:00.003+02:00

Sólin skín í Kaupmannahöfn þessa dagana, erum öll gjörsamlega grilluð en bara gaman af því. Hitinn á víst að hækka og ná hápunkti um helgina. Kollegibörnin eru ansi þakklát fyrir vatnsúðagræjuna sem norsarinn keypti og plantar útí garð í mesta hitanum, bara snilld. Grillum hér úti næstum hvert einasta kvöld því það er nánast ólíft að vera inni í þessum hita.

K. kom heim í gær úr 3 daga hyttetur með bekknum sínum og var ansi þreyttur en sáttur.
Annars er allt fínt að frétta af okkur, AR talar meira og meira, dansk-íslenskt í bland, segir t.d. mamma við mig hérna heima en þegar við erum hjá dagmömmunni segir hann mor og svo kallar hann alla karlmenn, "pabbinn" og konur "mamman". Er bíla og flugvélasjúkur eftir Íslandsferðina með pabba sínum, ef hann sér flugvél þá er hann að fara með pabba að fljúga og skilur ekki af hverju við förum aldrei í bíl, alltaf bara labbandi eða hjólandi. Sá á eftir að njóta sín á Íslandi í sumar...

Já, ég má nú ekki gleyma að segja ykkur frá því hvað minn yndilegi unnusti gerði í vikunni, haldiði bara að hann hafi gefið mér eitt stykki glænýja fartölvu í afmælisgjöf. Algjör glæsigræja sem ég er gjörsamlega hrikalega ánægð með.

Nóg að gera um helgina fyrir utan að sleikja sólina, Karíus og Baktus sýning og 18 ára afmælispartý hjá Christian frænda. K. fer í skátaferð lau-sun og ætlar sko að vinna sér inn 20 km merki til að sauma á skyrtuna sem þýðir að hann gengur 20 km, dugnaðarstrákur.....

25 dagar í landið góða..
13 dagar í Bergdísi Líf, bestu frænku..

Gaman, gaman. Ævintýrafararnir.

SHITTTTTTT

2008-06-03T20:27:00.000+02:00

Fóstbræður - Kysstu mig

2008-06-02T22:08:00.001+02:00

Kulturfest

2008-06-01T20:59:00.010+02:00

Basim úr X-factor tók nokkur lög

Gott að eiga góðan að....

Krúttið að fíla tónlistina í botn...

B. að selja kökur

K. að selja kökur

Kærustuparið að njóta sólarinnar

Aðalgellan á svæðinu...

2008-05-28T20:26:00.003+02:00

Þá eru stóru börnin mín búin að eignast bróðir en hann kom í heiminn í gærkveldi. Eru vitanlega mjög spennt að sjá kútinn en verða því miður að láta sér nægja að skoða myndir af honum þangað til við mætum á klakann.

Fór í dag og sá unnusta minn syngja einsöng í söngskólanum hans á svokölluðu sangcafé þar sem nemendum skólans býðst að koma fram og sýna hvað þeir geta. Hann stóð sig nátturlega eins og hetja eins og í öllu sem hann tekur sér fyrir hendur.

Fór svo á fund í skólanum hennar B. þar sem efni fundarins var að það á að sameina 3 börnehaveklasse í tvo 1.bekki. Auðvitað mér til mikillar ógleði var B. bekk skipt í tvennt og deilt í sitthvorn bekkinn. Það jákvæða er að hennar bestu vinir fylgja henni nema einn sem þarf að taka bekkinn aftur.

Biðjum að heilsa í bili. Ævintýrafararnir.

2008-05-27T21:09:00.000+02:00

Skítsæmilegt veður um helgina.....

2008-05-25T13:20:00.002+02:00

Svona lítur hann út núna, andlitið allt að gróa.

Já svo ég útskýri nú myndina hér að neðan þá var það þannig að við vorum að gæsa Lísu og rákumst á þetta fólk í hótellobbíi þar sem við tókum okkur pissustopp og kvöddum eina af stelpunum. Gæsinni fannst þetta svo einstaklega fyndið og sérstakt fólk að hún bað um að fá að taka mynd af því og þetta er afraksturinn. Þetta fólk minnti okkur á svona ófrítt kóngafólk, gætu verið bretar, já þannig var það. Allaveganna var þetta ótrúlega fyndið á þessum tímapunkti.....

Ari litli brósi átti afmæli í gær, varð 23 ára. Aftur til hamingju með daginn elsku Ari okkar. Svo giftist hann Árni frændi minn henni Lovísu sinni líka í gær og auðvitað óskum við þeim innilega til hamingju með daginn.

Núna sitjum við úti í steikjandi sólinni, er bara rétt að hella upp á kaffi, búa til smoothies og blanda saftevand annars er deginum eitt úti í garði, grilluðum í gær og gerum eflaust aftur í kvöld.

Heyrumst síðar. Ævintýrafararnir.

Fallega kóngafólkið

2008-05-19T21:49:00.006+02:00

Besta mynd helgarinnar

Jæja, það er búið að vera nóg að gera á þessu heimili síðustu daga.
Foreldraviðtal í skólanum hjá K. og var bara allt þokkalegt að heyra. Ef eitthvað er þá er hann á undan í náminu en sociallega séð er þetta ekki alveg nógu gott en á góðri leið.
Förum núna á fimmtudag í foreldraviðtal hjá B. og verður spennandi að heyra hvað kennararnir segja um skvísuna.

Við nokkrar af kollegikerlingunum gæsuðum Lísu, eina úr saumónum síðasta lau, fórum í keilu, röltum Istedgade og keyptum ferðavíbrator handa henni(alltaf gott að eiga í lestinni og svona), fórum út að borða á Kínverskum stað þar sem maður borgar 200 kall og étur og drekkur (vín, bjór og gos) eins og maður vill í 3 tíma, algjör snilld, og svo enduðum við á skemmtistað niður í bæ. Góður dagur í góðum félagsskap.
Feðgarnir voru einir heima því systkinin fóru á flakk með föðurafa sínum og ömmu í húsbílnum þeirra og gistu þau þar eina nótt.

Já, það er líka búið að bætast við nokkur Jæja Konu afkvæmi, Rán og Gilli eignuðust Önnu Ísey þann 17. apríl og svo bættist við strákur hjá Áslaugu og Sverri þann 8. maí. Innilega til hamingju með þetta öllsömul, manni hlakkar mikið til að kíkja á þessi krútt í sumar.

Og talandi um sumar, það er svo augljóslega komið, svo margt að gerast framundan að hálfa væri nóg, þ.á.m.

Sangcafé hjá húsbóndanum þar sem hann ætlar að stiga á stokk og syngja nokkur lög.
Kulturfest í skólanum hjá K og B.
Hyttetur í 3 daga hjá K. með bekknum hans.
18 ára afmælisveisla Christians frænda.
Karíus og Baktus sýning.
Sommerfest hjá skátunum.
Bergdís Líf frænka mætir á svæðið.
Sommerfest hjá K. á fritids þar sem hann leikur í leikriti.
Duran Duran í KB Hallen.
Bon Bon land.
Íslandsferð sem inniheldur sumarbústað, útilegu, landsmót, brúðkaup, ofl. ofl. skemmtilegt.

Bless bless í bili. Ævintýrafararnir.

2008-05-14T09:39:00.003+02:00

Já, svona kom krúttið heim frá Landinu góða.....

2008-05-13T11:40:00.002+02:00

Þá er strákarnir mínir á leiðinni heim, lenda eftir c.a. klukkutíma. Mikið hef ég nú saknað þeirra. Báðir búnir að vera með streptakokkasýkingu og skemmtilegheit en samt hafa þeir nú haft það gott með SB og ÁÝ og öllum hinum.
Við höfum nú haft það alveg rosalega gott hérna yfir helgina, shitt hvað það var gott veður. Grillað, drukkið bjór og hvítvín(sko ég), út að borða, í bíó ofl.ofl. Nú er bara orðið skítkalt (15 gráður) þannig að maður þarf bara að klæða sig í peysu á morgnana.
Jæja,best að hætta þessu blaðri og fara útá völl að taka á móti sætu strákunum mínum.
Farvel. Ævintýrafararnir.

Krúttið farinn í bondegårdstur með dagmömmuhópunum

2008-05-08T08:37:00.002+02:00

2008-05-07T19:24:00.003+02:00

Sólin skín og allir léttklæddir. Alveg hreint frábært veður og því fer ekkert linnandi. Hápunkturinn er víst um helgina þar sem er spáð 24 gráðum lau og sun og feðgarnir eru á leiðinni til Íslands, leiðinlegt fyrir þá. Nei auðvitað verður það frábært, þetta er bara öfund í mér.

Allaveganna ætlum við hin að dunda okkur um helgina í hinu og þessu, skella okkur út að borða, kannski í bíó og svo bara njóta góða veðursins.
Jæja, best að æfa mig fyrir fremlæggelsið á föstudag.

Hej hej. Ævintýrafararnir.

2008-05-06T11:24:00.000+02:00

Halló, halló, alveg típiskt þegar maður á að vera að læra...

2008-05-05T17:46:00.000+02:00

Ekki versnar það.....

2008-05-04T18:11:00.000+02:00

Ekki slæm vika framundan...

2008-05-02T16:20:00.003+02:00

White trash stelpu afmælispartý í kvöld.
Elín afmælisbarn bíður uppá fljótandi veigar og nóg af þeim. Set inn mynd af átfittinu þegar ég fer.

Skál. Ævintýrafararnir.

2008-04-30T20:49:00.005+02:00

Já, þetta er lífið.
Öl, fótbolti, laptop í fanginu og kallinn heima í sófanum. Og best væri auðvitað að Liverpool vinni í kvöld og taki svo United í rassgatið í úrslitunum.
Og svona í lokin.
Þið eruð ömurleg í kvittinu!!!!

2008-04-29T09:15:00.003+02:00

Mynd fyrir ömmu og afa Garðabæ. Takk fyrir gallann!!

Það vara mjög gaman hjá krökkunum í skátaferðinni og komu þau drulluskítug og dauðþreytt heim.
Erum alveg að verða búnar með ritgerðina, klárum hana örugglega í dag og svo á að skila á morgun. Svo höfum við rúmlega viku til að undirbúa okkur undir fremlæggelse en nú förum við inn hver fyrir sig, ekkert hægt að treysta á hina, aðeins sjálfan sig, shit. Ég á að fremlægge kl. 12:40 á föstudag í næstu viku, næst síðust í bekknum, alveg glatað. Maður fær svo einkunnina strax þannig að þetta verður spennandi, mín fyrstu alvöru einkunn.
Það er sko sannarlega tannlæknadagur hjá okkur í dag, AR að fara í fyrstu skoðunina og ég verð nú bara að segja að mig hlakkar ekki til. Hann er alveg hræðilega erfiður að láta tannbursta sig. Svo er hinn strákurinn minn að fara í fyrstu viðgerðina, smá skemmd í einni tönn sem þarf að laga. Hann er svo stressaður greyið að verða deyfður og svo borað.
Jæja, stelpurnar mættar. Bið að heilsa í bili. Ævintýrafararnir.

2008-04-25T15:31:00.004+02:00

Það var gaman í Póllandi. Slappað af, drukkið, borðað, kelað, verslað og ég bara veit ekki hvað.
Börnin höfðu það gott þar sem þau voru og er það bara fínt.
Veðrið er alveg yndilegt þessa dagana, sól og hiti. Alveg típiskt þegar maður er á kafi í ritgerðarskrifum. Reyndar ganga skrifin alveg blússandi vel. Er að skrifa ásamt tveimur öðrum um "Seksuelle overgreb mod børn". Mjög spennandi en jafnframt ógeðfellt efni.

Fengum óvænta en skemmtilega heimsókn í gær. Mikal, færeyski vinur hennar B. mætti ásamt fjölskyldu sinni. Fengum að sjá nýjasta bróðirinn sem fæddist í janúar, algjört krútt. Þau eru hérna í Köben til að vera viðstödd fermingu elsta bróðursins sem er búsettur hérna í næstu blokk en þau fluttu til Færeyja síðasta sumar.

Það verður nóg að gera um helgina. Börnin að fara í skátaferð og koma heim á sunnudaginn. Pabbinn á leið á kollegikalladjamm í kvöld þannig að það er hyggetími hjá okkur AR. Matarboð í L202 á morgun og svo 25 ára afmæli hjá einum af saumaklúbbsmeðlim um kvöldið í festrumminu. Svo er stefnan að lesa svona eins og eina námsbók og svo auðvitað að njóta góða veðursins. Spáð 16 gráðum á morgun og 19 á sunnudag, ekki slæmt.

Já, svo eru pabbinn og yngsti sonurinn að fara til Íslands um hvítasunnuhelgina þar sem þeir ætla að hafa það gott með Stefáni Blæ og Ásrúnu Ýr og svo auðvitað ykkur hinum sem viljið hitta þau.

Góða helgi elskurnar og farið varlega. Ævintýrafararnir.

2008-04-16T18:56:00.004+02:00

Ég er ótrúlega glöð núna. Fékk það praktikpláss sem ég óskaði mér. Þann 1. ágúst fer ég að vinna á Specialbørnehaven De fire Birke og verð að vinna þar í 6 mánuði. Á þessum leikskóla eru 30 misfötluð börn á aldrinum 1-7 ára og eiga þau við mismunandi fötlun/veikindi að stríða, t.d. flogaveiki, sum eru spastisk, sjón- og heyrnaskaðar og spiseproblem. Mér finnst þetta ótrúlega spennandi og hlakka mikið til að takast á við þetta verkefni sem ég veit að verður erfitt en reynsluríkt.

Þá eru börnin farin til Árhúsa með pabba sínum. Svipurinn á þeim í dag þegar pabbi þeirra mætti á fritids er ólýsanlegur, B. stóð örugglega í 10 sek og starði bara á hann og vissi bara ekki hvað hún átti að gera eða segja. K. trúði bara ekki sínum eigin augum og sagði "far" og missti svo kjálkann niður á gólf, vá hvað þau voru glöð. Ég gat ekki annað en tárast.

Við AR skruppum aðeins áðan í heimsókn til Hrannar frænku svona aðeins til að leifa honum að sjá hana áður en honum verður plantað þar í pössun á sunnudag. Já, það styttist sko í Pólland, 2 dagar.

Kram. Ævintýrafararnir.

Nýjasti gripur heimilisins.....

2008-04-15T20:31:00.002+02:00

bara snilld!!!!

2008-04-14T09:15:00.004+02:00

Um helgina spjallaði dóttir mín við eina af þekktustu konum Danmerkur og var það alveg rosaleg upplifun. Þetta var hún Laura, en fyrir ykkur sem vita ekki hver hún er komst hún í úrslit í X-factor en tapaði þar fyrir honum Martin. Hún Laura býr víst hérna á Kolleginu eða vinkona hennar, erum ekki viss en hún er ansi oft hérna.
Mýslan skellti sér nú bara upp að henni og sagði "Hej Laura, ég sá þig á Rådhuspladsen, þú syngur svo vel". Laura: "NÅÅÅÅ, tak for det, hej hej" og brosti voða sætt til hennar. Bara fyndið.

Annars er allt fínt að frétta af okkur, fórum með stóru börnin í vegabréfsmyndatöku og urðum við að spasla yfir glóðuraugað á dömunni, ótrúlegt hvað það er lengi að fara, alltaf að koma meira mar út.
Börnin í fríi í skólanum í dag, B. farin á fritids en K. er heima hjá mér og fer svo með mér á eftir í skólann, ekkert smá spenntur.

Spennan magnast hjá okkur kærustuparinu, erum nefnilega að fara til Stettin í Póllandi á föstudaginn með vinafólki okkar. Stóru börnin eru að fara með pabba sínum til Árhúsa á miðvikudag fram á mánudag en þau vita nú ekki af því ennþá því pabbi þeirra ætlar nú bara að mæta og koma þeim á óvart. Litla dýrið verður í Roskilde fram á sunnudag en gistir svo hjá Hrönn frænku fram á mánudag því við komum svo seint heim á sunnudaginn.

Biðjum að heilsa í bili. Ævintýrafararnir.

Flottur frændi

2008-04-11T16:40:00.001+02:00

"Ragnar Sigurðsson, landsliðsmaður í knattspyrnu og miðvörður
sænsku meistaranna í IFK Gautaborg, var í dag valinn í úrvalslið 3. umferðar í sænsku úrvalsdeildinni af netmiðlinum Sportal. Þetta er í annað skiptið í vikunni sem Ragnar er valinn en hann var líka í úrvalsliði 2. umferðar."

2008-04-09T20:11:00.002+02:00

Fyrir

Eftir

Það er hættulegt að vera á hlaupahjóli

2008-04-08T17:47:00.005+02:00

2008-04-04T17:03:00.002+02:00

Komin helgi og við AR sitjum hérna í rólegheitunum og hlustum og horfum á SSól á tónleikum, bara snilld.
Er í fríi í dag og á mánudag þannig að þetta er 4 daga helgi, ekkert smá þægilegt. Pædagogik 0-6 ára er búið og við fengum rosahrós fyrir að vera góður og áhugasamur hópur sem framlagði vel og svaraði ennþá betur og nú tekur við önnur törn í sundheds og socialfag og sú törn endar með okkar fyrsta alvöru lokaprófi þar sem við fáum okkar fyrstu alvöru einkunn.
Við mæðgurnar vorum að koma úr mömmudekri, ég semsagt klippt og lituð og hún fær svona eins og fimm sleikjóa í boði hárgreiðslustofunnar og blaðrar af sér vitið. Fritids lokað í dag hjá henni þannig að hún fékk að koma með, annars hefði ég nú notið þess að vera ein, alltaf gott annars slagið.
Stóru karlmennirnir í sundi eins og alltaf á föstudögum. Kallinn að fara á djammið á morgun með nokkrum félögum úr vinnunni þannig að það verður extra huggó í kvöld hjá okkur. Já, og svo er K að fara í eitt enn afmælið hjá bekkjarfélaga á morgun. Ætli við restin af familíunni förum ekki í FIELDS á meðan og verslum skó og sandala á liðið, sumarið nálgast.
Á morgun á svo hún Kristrún Ósk mágkona mín afmæli og verður hún 22 ára og viljum við senda henni þúsund kossa og hörkufast kram og við vonum að hún eigi sem bestan afmælisdag.
Mér finnst þið nú ekkert sérstaklega dugleg að kvitta þessa dagana, alltaf gaman að sjá smá lífsmerki.
Góða helgi öllsömul og áfram Liverpool. Ævintýrafararnir.

2008-03-31T20:38:00.007+02:00

Afmælisveislan gekk fínt og fengum við marga skemmtilega gesti og afmælisbarnið fékk margar fínar gjafir.

Annars er allt gott að frétta af okkur hérna í L806.
K. duglegur að vera úti að leika sér með vinum sínum og er duglegur í skólanum. Er með Scary Movie æði þessa dagana, er búinn að teikna 100 blaðsíðna myndasyrpu um Scary Movie og eru pædagogarnir á fritids duglegir að skrifa texta við myndirnar. Er viss um að hann eigi eftir að gefa út sína eigin myndaseríu í framtíðinni, er ótrúlega klár að teikna og er með alveg ótrúlegt ímyndunarafl.

Birtan er soldið óþekk í skólanum og fer stundum í skammakrókinn, mætti tala soldið minna í tímum og er óhagganleg þegar hún fer í fílu, skil ekki hvaðan hún hefur þetta skap, hmmmm, ha. En annars er hún þrældugleg eins og alltaf og er alltaf að sýna okkur eitthvað sem hún er búin að læra í skólanum. Mér finnst bara svo skrítið að hún er ekkert farin að læra að lesa, aðeins að læra bókstafina. Danirnir eru bara svo á eftir Íslendingum í grunnskólanum. Þau verða sko að spíta í lófana þegar við flytjum heim, það er ekki spurning.

Krúttið er alltaf sama krúttið. Er að springa úr frekju en það er örugglega okkur foreldrunum að kenna, dekrum hann uppúr öllu valdi. Æi, er það ekki alltaf svona með yngsta barnið og hvað þá þriðja. Er alltaf glaður og er gjörsamlega vitlaus í að sitja fyrir framan tv og horfa á Sálina eða SS Sól á tónleikum. Svo er Shrek ekki af verri endanum.

Er að framleggja einu sinni enn á morgun, er komin með svo mikið ógeð af hópavinnu og fremlæggelse að hálfa væri nóg. Spurði í skólanum í dag hvort það væri fleiri íslendingar í skólanum og hún hélt að það væri einn en var ekki viss. Og svo voru tveir að sækja um en hún var ekki viss um að þeir fengju inngöngu. Hef nefnilega ekki hingað til rekist á neinn íslending í skólanum sem er soldið spes en mér finnst það bara fínt. Þá erum við ekki að rotta okkur saman útí horni. Væri samt gaman að hitta á svona eins og einn.

Jæja, best að æfa mig fyrir framan spegilinn....Kære klassekammerater....i dag vil jeg snakke om ligestillingspædagogik.... já spennandi, er það ekki.

Knús og kossar frá okkur í Köben. Ævintýrafararnir.

2008-03-28T16:49:00.008+01:00

Páskarnir voru yndislegir. Vorum í viku í bústað með Kollu, Óla og fjölskyldu og höfðum það alveg rosalega gott, eiginlega of gott.
Fórum í keilu, sund, lékum okkur inni og úti og spiluðum allskonar spil. Drukkum og átum eins og sannir Íslendingar. Hérna fáið þið nokkrar myndir frá ferðinni okkar.
Njótið vel.

Kristófer, Birta, Ronja, Alexandra Líf og Ari Rafn í stuði

Ari Rafn á keyrslu

Kristjana Elín úti að leika

Benjamín Arnar fékk tönn nr.2 um páskana

Fyrsta páskaeggjaát Ara Rafns

Alltaf hress hún Mýsla, sérstaklega með sælgæti í skál

Nývaknaður og spenntur

Fallegi barnahópurinn

Annars er 2 ára afmælisveisla Ara Rafns á morgun. Eigum von á fullt af skemmtilegu fólki sem ætlar samgleðjast með okkur.
K. missir reyndar af þessu því hann er að fara í afmæli til bekkjarfélaga síns og verður sú veisla á Mac Donalds, gamam gaman.

Góða helgi. Ævintýrafararnir.

Ari Rafn 2 ára

2008-03-25T10:59:00.007+01:00

Já, föstudaginn langa, 21. mars varð krúttið okkar 2 ára.

Nýfæddur og yndislegur

1 árs og algjört krútt

2 ára að blása á kertið í bústaðnum og Ronja fylgist vel með

Nýbúinn að detta á andlitið úti í garði en alltaf jafn sætur

2008-03-16T20:08:00.005+01:00

Sumarhúsið sem bíður okkar á Dådyrstien 40.
HÉRNA getið þið séð ennþá fleiri myndir af þessari höll.

Komin í páskafrí, jibbí, allir nema pabbinn sem þarf að vinna mán og þri.
Helgin er búin að vera á rólegu nótunum.
B. fór í skátaferð á föstudag og gisti eina nótt í skálanum þeirra og var okkur svo boðið í mat til þeirra í gærkveldi og var það voða gaman.
Annars erum við búin að dunda okkur við ýmislegt misskemmtilegt, tiltekt, gáfum fuglunum á Christianshavn brauð, lékum okkur úti á legeplads, bæði hér og á Christianshavn, versluðum, átum nammi og pökkuðum niður í töskur fyrir sumarhússferðina sem er nú bara á morgun.
Já, við erum semsagt að fara í sumarhús á morgun með Kollu, Óla og krökkum og verðum í viku. Tökum lestina þarna niður eftir og svo taxa restina. Pabbinn kemur svo á miðvikudag en vinur hans ætlar að keyra hann, ekkert smá almennilegur. Ekkert smá stór og flottur bústaður eða hús réttara sagt með t.d. sólarbekk, nuddbaði ofl. ofl.
Þar höldum við upp á 2 ára afmæli krúttsins okkar, sem er á föstudaginn langa 21. mars, og hugsum extra mikið til Ásrúnar Ýr dúllunnar okkar sem verður 6 ára og Logi afi verður 51 árs, ekkert smá stór dagur í fjölskyldunni. Ekki minni dagur er núna á þri, 18. mars en þá verður Auður langamma hvorki meira né minna en 80 ára og verður víst megaveisla sem við komumst því miður ekki í. Þann sama dag verður Lilja systir 28 ára og það styttist sko ansi mikið í 30 árin, ha ha.
Vonandi eigið þið yndislega páska og borðið yfir ykkur af páskaeggjum.
Knús og kram. Ævintýrafararnir.

2008-03-12T18:18:00.004+01:00

Kellan við múrinn

Nýkomnar til Rutar, megaflottar með skegg

Já, Berlínarferðin var hreint og beint frábær, hef sjaldan skemmt mér eins vel og félagsskapurinn ekki af slakari laginu.

Föstudagskvöldið byrjaði með því að við "dönsku" hittumst úti á pizzateríu og fengum okkur nokkra kalda og þaðan héldum við upp á völl þar sem enn fleiri kaldir bættumst við, lentum í smá seinkun en engin kvartaði yfir því, þá var bara tími fyrir ennþá fleiri kalda. Flogið var upp og strax niður, varla tími fyrir einn volgan í vélinni, erum sem sagt bara 40 mín að fljúga, algjör snilld. Slógum nátturlega í gegn í vélinni eins og típiskir fullir íslendingar gera sem leiddi til þess að Heiða var spurð um aldur og mér sagt að setjast niður og helst þegja, ha ha.
Við mættum heim til Rutar um miðnætti með skegg, ótrúlega fyndnar að okkur fannst og þar tóku á móti okkur Rut og þær fimm "íslensku" og var nátturlega djammað fram eftir morgni, mislengi reyndar....
Á laugardeginum var skellt sér niður í bæ í nokkru grúppum, skoðað hitt og þetta, verslað og drukkið soldið. Áttum pöntuð borð á blindraveitingastað kl. 17:15 þar sem við mættum galvaskar eftir leigubílaferð dauðans og auðvitað of seint en það reddaðist. Þessi veitingastaður er semsagt með blinda þjóna og maður pantar áður en maður er teymdur inn í sal þar sem er meira en niðamyrkur, ekki séns að sjá neitt. Þar situr maður semsagt og borðar og drekkur í myrkri, alveg rosalega sérstakt og ógeðslega gaman. Hópnum var skipt niður á tvö borð og við á okkur borði datt nátturlega sú vitleysa í hug að borða eftirréttinn á túttunum sem við og gerðum, ha ha, get ekki annað en hlegið þegar ég hugsa um þetta.Já, við sátum semsagt 7 kellur á brjóstunum og gæddum okkur á eftiréttunum með fullan sal af fólki í kringum okkur. Eftir matinn bættust við tvær kvensur, ein "dönsk" og ein "þýsk" og var ákveðið að skella sér á rússneskan pöbb þar sem ansi margir kaldir runnu niður og svo enduðum við á öðru stað þar sem við rúluðum tónlistinni með t.d. Pixies og fleirum snillingum. Þaðan var dröslast heim upp undir morgni og sofið fram á hádegi.
Sunnudagurinn fór í að skoða múrinn, finna mat að borða og svo bara rölta um. Vorum komnar upp á flugvöllum kl:18.30 eftir enn eina ferð dauðans með leigubíl, oj. Lentum svo hérna heima um kl:21 og vorum komnar heim um kl:22 sælar og þreyttar.

Já, þetta var ferðin í hnotskurn og það er sko alveg á hreinu að þetta verður að endurtaka fljótt. Og Rut, þú veist að þú ert best, takk enn og aftur.

Fór svo til Malmö í gær að skoða tvo leikskóla þannig að ég er frekar þreytt og hlakka mikið til að komast í páskafrí á föstudag.

Biðjum að heilsa í bili. Ævintýrafararnir.

2008-03-11T21:00:00.003+01:00

Malmö í dag, Berlín í fyrradag, blogg á morgun.

2008-03-07T10:26:00.004+01:00

BERLÍN Í KVÖLD

Jóinn vill þakka fyrir allar afmæliskveðjurnar og auðvitað ég líka, sko ferðakveðjurnar.
Annars áttum við huggulegan gærdag með köku, pökkum, börnum komið fyrir í pössun og farið út að borða. Og meiri að segja tók afmælisbarnið sér frí í vinnu þannig að það var bara sofið út hér í morgun, bara kósí.

Svo hérna í lokin viljum við óska henni Írisi Gyðu frænku í Sverige til hamingju með 30 árin og vonandi hefur hún það sem allra best í faðmi fjölskyldunnar.
Hún Áslaug Anna jæjakona á líka afmæli í dag og verður 29 ára, til hamingju með daginn elsku Áslaug.

Góða helgi allir saman og hafið það sem allra best.
Ævintýrafararnir.

Hann á afmæli í dag.....

2008-03-06T08:06:00.001+01:00

BERLÍN Á MORGUN

Elsku besti, sætasti og bara yndislegasti Jói minn á afmæli í dag og er hann orðinn hvorki meira né minna en 34 ára.
Til hamingju með daginn ástin mín.

Þúsund kossar frá okkur hinum hérna í L806.

2008-03-05T16:45:00.000+01:00

2 DAGAR Í BERLÍN

2008-03-04T19:05:00.003+01:00

3 DAGAR Í BERLÍN

Svona fyrir þá sem ekki vita er mamman að fara í húsmæðraorlof yfir helgina til Berlínar ásamt 14 öðrum gullfallegum íslenskum konum sem eru svo heppnar að vera búsettar eða hafa verið búsettar á Øresundskolleginu. Gistum heima hjá einni sem var meðlimur saumaklúbbsins hérna á Kolleginu en hún býr í stórri íbúð sem rúmar okkur allar og það þarf ekkert smá til. Tilgangur ferðarinnar er að drekka sem mest, borða sem mest, hygge sem mest og bara vera laus við börn og kalla(sorry börn og kallar).

Annars er krúttið orðinn þokkalega hress, fór til dagmömmunnar í morgun og er geðheilsa fjölskyldunnar mun betri. Svo á húsbóndinn á heimilinu afmæli á fimmtudag, verður aðeins 34 ára.

Hei, já svona eitt í lokin. Var að kaupa miða á REM tónleika sem verða í Parken í september, langþráður draumur að rætast, jeiiii hvað mig hlakkar til.

Knús og kossar. Ævintýrafararnir.

2008-03-03T19:23:00.002+01:00

4 DAGAR Í BERLÍN

2008-02-29T18:43:00.007+01:00

Afmælisbarnið og auðvitað við líka viljum þakka fyrir allar kveðjurnar.
Hérna koma nokkrar myndir frá gærdeginum:

Hjólið sem hann fékk frá okkur

Flotta kakan sem var tekin með í skólann

Nývaknaður tilbúinn að opna pakkana

Strákagengið í afmælinu

Afmælisbarnið úti að borða um kvöldið

Hann fékk auðvitað fullt af fínum gjöfum þ.á.m. flíspeysu, Transformersskóladót, Transformerskall, skyrtu, 2 boli, buxur, peysu, sólgleraugu, Legóbíl, Lúdó, pening, rakspýra, 2 DVD myndir og 10 perluplötur og hálskeðju frá systir sinni.

Knús. Ævintýrafararnir.

Kristófer 9 ára

2008-02-28T08:32:00.006+01:00

Í dag, er elski besti og fallegasti strákurinn okkar 9 ára.

1 árs

3 ára

6 ára

7 ára

8 ára

9 ára

Ace Ventura klikkar ekki....eða þannig

2008-02-25T20:01:00.003+01:00

Hann er svo yndislegur hann yngri sonur minn. Nýjasta nýtt hjá honum er að biðja um að fá að sjá Ace Ventura nr. 2 og svo grætur hann sáran yfir byrjunaratriðinu þegar Ace er að reyna að bjarga Þvottabirni niður af klettum en svo hrapar hann, sko þvottabjörninn. Svo þegar atriðið er búið þá vill hann ekki sjá meira, er alveg miður sín. Ótrúlegt alveg.

Annars er krúttið kominn á pensilínskammt nr. 2 sem hann fékk í morgun og er kominn aftur með háan hita. Þetta er alveg óþolandi þetta veikindastand, hann er svo pirraður greyið að hanga hér inni alla daga og ekki erum við minna pirraðri. Þetta hlýtur að lagast fljótlega, er það ekki????

Var að byrja í nýju í skólanum í dag. Erum núna í bland þeir 3 bekkir sem byrjuðu á sama tíma, A-B-C og áttum við að velja á milli 6 þema þ.e. 0-6 ára, 6-10 ára, 10-16 ára, börn með sérþarfir eða fatlaðir fullorðnir. Ég valdi 0-6 ára þar sem ég ætla að vinna í leikskóla í framtíðinni og verðum við næstu vikurnar að heimsækja ýmsar stofnanir tengdum þessum aldri og köfum djúft niður í bækur og teoriur til að læra sem mest um þennan aldur. Förum t.d. í heimsókn í leikskóla í Svíþjóð sem verður eflaust forvitnilegt. Já, ansi spennandi tími framundan. Já svo auðvitað í restina verður skrifuð ritgerð og framlæggelse fyrir einn af hinum hópunum.

Jæja, best að sinna litla sjúklingnum.

Knús á línuna. Ævintýrafararnir.

7 var það heillin!!

2008-02-21T11:28:00.003+01:00

Jei, búin að fremlægge og gekk það bara nokkuð vel. Fékk mína fyrstu einkunn en hún fer ekki á einkunnablaðið mitt, bara svona til að gefa manni hugmynd um hvernig þetta gekk. Fengum 7 sem er víst bara alveg ágætt en það er nýr einkunnaskali hérna þar sem 12 er mest, svo kemur 10, 7, 4, 02, 00 og neðst er -3, ótrúlegt alveg að það sé hægt að fá mínus.
Fundur í kvöld hjá stjórn foreldrafélagsins á fritids hjá Birtu og verður maður víst að mæta þangað og svo á eftir því er saumó hjá me, myself and I í kvöld, stuð!!!
Jæja, annars er ekkert sérstakt að frétta. Ætla nú bara að fara og kúra aðeins, fékk ekkert mjög mikinn svefn í nótt, krúttið eitthvað að vesenast og svo var nátturlega vaknað eldsnemma til að fara í sturtu og sjæna sig fyrir fremlæggið.
Hej hej. Ævintýrafararnir.

2008-02-20T10:12:00.002+01:00

Tá eru allir ordnir hressir á heimilinu, loksins.
Stóru børnin fóru í bíó med pabbanum um helgina og sáu Asterix. Annars var helgin ansi róleg.
Erum búin ad fjárfesta í flugmidum til Íslands, mætum á svædid 30. júní og førum heim aftur 23. júlí. Stóru børnin verda til 4. ágúst hjá pabba sínum.
Svo er ákvedid ad Bergdís Líf besta frænka komi til okkar 18. júní og fljúgi med okkur svo til Íslands, hløkkum mikid til ad fá hana í heimsókn.
Svo styttist í ad stóri strákurinn okkar verdi 9 ára, fimmtudag í næstu viku. Tá er stefnt á strákapartý í børnerumminu.
B. fer í afmæli til vinkonu sinnar í dag beint úr skólanum, stóra systirin sækir tær í skólann. Hún fór øll uppstrílud og fín med rós í hárinu í skólann, svaka skvísa.

Jæja, best ad fara aftur í tíma, er sko í skólanum. Fremlæggelse á morgun, shit......
Knus og kram. Ævintýrafararnir.

2008-02-14T22:15:00.004+01:00

Já, sólin skín í Kaupmannahöfn en það er sko skítkalt.

Þessari veikindahrynu ætlar ekki að linna, krúttið vaknaði í morgun með eyrnabólgu en réttara sagt flæðir viðbjóður úr eyranu á honum. Fórum nú með hann til dagmömmunnar en þurftum svo að sækja hann um hádegið, þá var minn ekkert sérstaklega hress. Vildi bara koma heim og sofa sem hann jú gerði, aðeins 3 tíma, takk fyrir.
Höfum hann heima á morgun og ætlum við kíkjum ekki til dokksa, þ.e. ef hann verður ekki betri á morgun.

Mamman er á fullu í hópavinnu, er búin að vera að skrifa ritgerð alla vikuna sem á að skila á mánudag og svo verja mið/fim eða föstudag, jei mitt uppáhald eða þannig.
Frekar leiðinlegt að vera svona upptekin þessa viku þegar börnin eru í fríi í skólanum, væri sko miklu frekar til í að dúllast eitthvað með þeim.

Pabbinn að vinna mikið þessa dagana, Kim vinnufélagi hans er í Tælandi í mánuð og þess vegna mætir hann átta á kvöldin. Er svo byrjaður í söngnum aftur og hefur alltaf jafn gaman af, framtíðar tenór á ferðinni.

Róleg helgi framundan, stefnum á að fara með stóru börnin í bíó á lau, þ.e. ef við fáum einhverja pössun fyrir krúttið, einhver sem bíður sig fram?
Annars á bara að njóta þess að vera til.

Farvel. Ævintýrafararnir.

Kærustuparið

2008-02-10T13:23:00.000+01:00

Takk fyrir kveðjurnar, þið eruð best.
Já amma, ég vissi sko alveg hver ætti afmæli í gær, hann elskulegi Hörður afi. B. var einmitt að tala um hvað hann hefði orðið gamall.
Drengirnir orðnir þokkalega hressir, höldum þeim inni í dag svo þeir geti nú komist út á morgun. En það er ekki auðvelt því veðrið er frábært, sól og blíða.
B. er farin til Telmu vinkonu sinnar og ætlar að gista þar í nótt og kannski að fara í bíó á morgun, gaman hjá þeim.
Farvel. Ævintýrafararnir.

2008-02-09T10:03:00.000+01:00

Í dag erum við skötuhjúin búin að vera túlofuð í tvö ár og alltaf jafn hamingjusöm.
Já, þetta er lífið!!!

2008-02-08T13:29:00.000+01:00

Þetta er nú meira pestabælið. Báðir synirnir á heimilinu hafa verið heima síðustu daga með háan hita og kvef.Í byrjun vikunnar lá pabbinn í nokkra daga þannig að við mæðgurnar erum eftir en vonandi sleppum við.

Spáð rosalegu góðu veðri um helgina, 10 stiga hita og sólin á víst að sýna sig. Vonandi eigum við eftir að geta notað okkur það.

Mýsla fór til tannlæknis í gær og engar holur. Tannburstunin er með glæsilegasta móti þannig að við mæðgurnar löbbuðum þaðan glaðar út. Svo á fimmtudaginn á litla krúttið að fara í tannskoðun í fyrsta sinn, það verður spennandi að sjá hvernig það á eftir að ganga.

Núna eru stóru börnin komin í vetrarfrí fram til 18. feb en þau verða á fritids í næstu viku þar sem ég verð ekki í fríi í skólanum, ónei heldur er enn ein hóparitgerðasmíðin, mikið djö.... er það leiðinlegt.

Jæja, best að halda áfram að horfa á Stubbana með krúttinu, bara í 6. sinn í dag.
Knús og kram. Ævintýrafararnir.

Fastelavn í skólanum og fritids í dag

2008-02-04T18:22:00.000+01:00

Helgin sem leið...

2008-02-03T21:41:00.000+01:00

Á leiðinni í afmæli

Fastelavnsfest hjá skátunum (Transformers og Beinagrindanornanunna)

Klappstýran á fastelavnsfesti á Kolleginu

Spiderman duglegur í namminu

Benjamín Arnar skírður

Nýklipptur og unglingalegur

2008-02-01T14:42:00.000+01:00

SPIDERMAN

2008-01-31T19:17:00.000+01:00

Hverjum er hann líkur??

2008-01-29T21:40:00.001+01:00

MyHeritage: Look-alike Meter - Family history

2008-01-29T13:55:00.000+01:00

Er á fullu að æfa mig fyrir fremlæggelsið á fimmtudag. Þetta er eitt af því ömurlegasta, leiðinlegasta og erfiðasta sem ég geri þannig að ég eiginlega vorkenni fjölskyldunni minni mikið þessa dagana að umgangast mig, er ekki sú þolinmóðasta. Ennnnn þetta verður búið c.a. 13.30 á fimmtudag og þá má "vonandi" fagna.

Svo um helgina er sko margt að gerast hjá okkur fjölskyldunni.

Pabbinn á djamm með kollegikörlum á föstudeginum...
B. í afmæli hjá Anniku Rut á laug.....
K. í fastelavnsfest hjá skátunum á laug....
Mamman í baðhús og ????? með kollegikerlum og fráfluttri kollegikerlu á laug...
Skírn í Roskilde á sunnud..
Fastelavnsfest á Kollegi á sunnud.. ef við náum tilbaka í tíma.

Jebb, margt misskemmtilegt framundan.
Jæja, er að fara með mýsluna í sund, lifið heil.

Ævintýrafararnir.

2008-01-27T18:54:00.000+01:00

Vi er røde, vi er hvide, vi står sammen, side ved side.......

2008-01-26T09:31:00.000+01:00

Til að leiðrétta allan misskilning þá réði mamman á heimilinu ekki hve mikið mýslan var klippt, hún stjórnaði því gjörsamlega sjálf.
Það rignir hér eld og brennistein, svona næstum því. Ekki skemmtilegt veður til að vera úti en held að við höfum það samt aðeins betra en hinir þarna á Íslandinu.
Ætlaði að hitta Jónu Siggu vinkonu um hádegisbilið í gær en vegna óveðursins lenti hún ekki hérna í Köben fyrr um áttaleytið í gærkveldi. Ætlum nú að gera eitthvað skemmtilegt í dag, versla og svoleiðis og kannski fá sér nokkra kalda.
Kláruðum þessa blessuðu ritgerð á fimmtudaginn og er hún tilbúin til afhendingar á mánudagsmorgun. Svo er það framlæggelse á fimmtudag kl. 12:35.
Annars er bara allt fínt að frétta af hinum fjölskyldumeðlimunum, börnin á fullu í skátunum og í sundi. Pabbinn byrjar í söngnum í byrjun febrúar og AR talar alltaf meira og meira, svona danskt/íslenskt.

Góða helgi og áfram DK!!!!
Ævintýrafararnir.

Stóra breytingin á mýslunni okkar

2008-01-23T19:28:00.000+01:00

2008-01-19T16:29:00.000+01:00

Jibbí, við erum að fara í ÞETTA sumarhús um páskana með Roskildefjölskyldunni, gaman gaman.

Spejdertur

2008-01-18T18:24:00.000+01:00

Þá eru stóru börnin farin í helgartúr með skátunum, vorum að kveðja þau við metróstöðina og koma þau heim um miðjan sunnudaginn.

Við erum nátturlega búin að redda pössun fyrir örverpið annað kvöld og ætlum að skella okkur út að borða og í bíó.

Það er ekkert smá góð þáttaka í Berlínarferð okkar saumókellinga en við erum 13 kellingar sem förum og þar á meðal Lilja systir, gaman gaman.

AR er búinn að vera með hita í 8 daga og fór pabbi hans með hann til læknis í gær en eina útskýringin sem dokksi gaf var að hann er með virus og ekkert við þessu að gera. Þetta ástand er ekkert sértstaklega að auðvelda manni ritgerðasmíð en vonandi fær maður veikindalausa næsta viku.

Biðjum ykkur vel að lifa og farið varlega. Ævintýrafararnir.